Bakı-2015 I Avropa Oyunlarında ümumi medalların sayına görə ikinci yerdə qərarlaşan Azərbaycan şəxsi göstəricidə birincidir.
ANS PRESS-in məlumatına görə, ölkəmizə 14-cü qızılı qazandıran gimnast Oleq Stepko özünün sahibləndiyi medalların sayına görə rekordçudur. 5 medallı 21 yaşlı təmsilçimiz yarışlarda hələlik ən çox medal qazanan idmançıdır.
1 qızıl, 2 gümüş, 2 bürünc əldə edən Oleq paralel qollarda 1-ci, fərdi çoxnövçülük və gimnastika atında 2-ci, komanda yarışları və dayaqla tullanmada 3-cü yeri tutub.
Avropa Oyunlarında ən çox medal qazanan idmançıların siyahısına başçılıq edən təmsilçimiz hesabında 4 mükafat olan idmançılarını geridə qoyub.
Bunlardan 3-ü Rusiya idmançıları Aliyə Mustafina, Culiya Steynqruber, Nikita İqnatyev və Hollandiya idmançısı Lieke Veversdir.
Qeyd edək ki, medalların sayına görə ilk beşlikdə olan idmançılar bu nəticələri idman gimnastikasında göstəriblər.
Son şərhlər