Bu ilin birinci rübündə Azərbaycandan Gürcüstana səfər edənlərin sayı 59 571 nəfər təşkil edib.
Elchi.az xəbər verir ki, bu barədə Gürcüstanın Milli Turizm Administrasiyasının hesabatında bildirilib.
İllik müqayisədə Azərbaycandan qonşu ölkəyə səfərə yollananların sayı 5 247 nəfər və yaxud 8% azalıb.
Yanvar-martda Azərbaycan Gürcüstana səfər edən xarici ölkə vətəndaşlarının sayı baxımından V yeri tutub. Azərbaycanla yanaşı ilk beşliyə Türkiyə (238 368 nəfər), Rusiya (230 717 nəfər), Ermənistan (160 473 nəfər) və İsrail (66 744 nəfər) daxil olub.
Hesabat dövründə Gürcüstan ümumilikdə 1 300 505 nəfər beynəlxalq ziyarətçi qəbul edib ki, bu da ötən ilin eyni göstəricisindən 1,1% azdır. Turistlərin sayı isə illik müqayisədə 4% artaraq 997 529 nəfərə bərabər olub.
