Volodimir Zelenski bazar ertəsi Vaşinqtona gələrək ABŞ prezidenti Donald Trampla görüşməyi planlaşdırır.
Elchi.az xəbər verir ki, bu barədə Axios-un jurnalisti Barak David X sosial şəbəkəsində mənbələrə istinadən məlumat verib.
Daha sonra Zelenski özü sosial mediada təsdiqlədi ki, o, münaqişənin həlli variantlarını müzakirə etmək üçün bazar ertəsi ABŞ prezidenti ilə Vaşinqtonda görüşə gedəcək.
Ağ Evin məlumatına görə, Alyaskada Vladimir Putinlə görüşdən sonra Tramp Zelenski ilə uzun telefon danışığı aparıb.
Amerika lideri sammitin nəticələri barədə Avropa ölkələrinin liderlərinə, eləcə də NATO-nun baş katibi Mark Rutte və Avropa Komissiyasının sədri Ursula fon der Leyenə də danışıb.
Davidin sözlərinə görə, sammitdən sonra Tramp, Zelenski və NATO ölkələrinin liderləri arasında söhbət “çətin ” olub.
Yada salaq ki, Rusiya və ABŞ liderlərinin görüşü bir gün əvvəl Alyaskanın Ankoric şəhərindəki Elmendorf-Rişardson hərbi bazasında baş tutub.
Prezidentlərin dar tərkibdə danışıqları “üçdən üçə” formatında baş tutub və 2 saat 45 dəqiqə davam edib.
Rusiya prezidentinin mətbuat katibi Dmitri Peskovun qeyd etdiyi kimi, Putinlə Trampın görüşü çox müsbət keçib.
Nuranə Məmmədova
