Avstraliyanın daxili işlər naziri Tony Burke irqi ədavəti qızışdırmaq və nasist simvollarını əks etdirmək üçün ilk dəfə olaraq vizaları ləğv etdiyini açıqlayıb.
Elchi.az xəbər verir ki, daxili işlər naziri bildirib ki, Yəhudi icmasına nifrətə əsaslanan nasistyönlü ideologiyaya sadiq olan 43 yaşlı Britaniya vətəndaşının vizası ləğv ediləcək və Avstraliyadan deportasiya ediləcək
“Bizə gələn demək olar ki, hər kəs yaxşı insandır və xoş gəlmisiniz, lakin bura nifrət yaymaq üçün gələn hər kəs getməlidir”,-deyə Burke bildirib.
Avstraliya Federal Polisi Britaniya vətəndaşını federal qanunları pozan məzmun dərc etmək üçün iki X hesabından istifadə etdiyini aşkar etdikdən sonra həbs edib. O, qadağan olunmuş nasist simvollarını nümayiş etdirməkdə, təhdidlər etməkdə və yəhudi icmasının üzvlərini internetdə təqib etməkdə ittiham olunub.
Dekabrın 14-də Sidneydə baş verən terror aktı ilə əlaqədar Avstraliyada bu sahədə qanunlar sərtləşdirilib.
Hanukka üçün toplaşan insanlara hücumdan sonra Baş nazir Entoni Albanese nifrət və nifaq toxumu səpənlərin vizalarını ləğv edəcəyini və bu cür davranışı onlayn təhdidlər və təqiblərlə bağlı cinayətlərə görə cəzanı ağırlaşdıran amil edəcəyini vəd edib.
Yeganə
