Avropanın yer üzündə ən sürətlə istiləşən qitə olduğu və 1980-ci illərdən bəri qitədə temperatur artımının qlobal orta göstəricidən iki dəfə artdığı bildirilir. Keçən il Avropada isti dalğaları 16 min insanın həyatına son qoyub.
Elchi.az xəbər verir ki, Dünya Meteorologiya Təşkilatı və Avropa İttifaqının (Aİ) Kopernik İqlim Dəyişikliyi Xidmətinin “Avropada İqlim Vəziyyəti 2022” adlı hesabatı dərc olunub.
Hesabatın tapıntılarına görə, 2022-ci ildə Avropada orta hava istiliyi, xüsusilə qitənin qərb və cənub-qərbindəki ölkələrdə rekord temperatur olaraq qeydə alınıb. Keçən il İslandiyanın şimal-qərbində və Türkiyənin kiçik bir hissəsində temperatur orta səviyyədən bir qədər aşağı idi.
Keçən ilin ən isti yayı yaşayan Avropanın bir çox ölkəsində isti dalğaları müşahidə edilərkən, İngiltərədə havanın temperaturu ilk dəfə 40 dərəcəni keçib.
Ötən ilin orta temperaturu 1991-2020-ci illərdə 0,79 dərəcə Selsi, 1961-1990-cı illərdə isə 1,83 dərəcə olub.
Avropada hər 10 ildən bir havanın temperaturu 0,5 dərəcə artıb. Bu, 1980-ci illərdən bəri qlobal orta göstəricidən iki dəfə yüksək olaraq qeydə alınıb.
Keçən il hava hadisələri qitədə 16 min insanın həyatına son qoyub. Bu insanların 99,6 faizi istilər səbəbindən dünyasını dəyişib.
Kopernik İqlim Dəyişikliyi Xidmətinin direktoru Carlo Buontempo, hava istiliyindəki artımın davam edəcəyini gözlədiklərini bildirib.
“Bu, təəssüf ki, birdəfəlik hadisə və ya iqlim qəribəliyi hesab edilə bilməz.” Buontempo ifadəsindən istifadə edərək, həddindən artıq istilik dalğalarının daha tez-tez görüləcəyini və daha sıx olacağını göstərən bir model olduğunu vurğulayıb.
Nuranə Məmmədova
Son şərhlər