Asiya-Sakit Okean regionunda hidroenergetika istehsalı 2023-cü ilin yanvar-iyul ayları arasında 17,9 faiz azalaraq onilliklərin ən sürətli tempi ilə azalıb. Elchi.az Ember enerji agentliyinin analitiklərinin məlumatlarına istinadən xəbər verir ki, əsas səbəb ekstremal hava şəraiti fonunda Çin və Hindistan elektrik stansiyalarında hasilatın kəskin azalması olub.
Bu dinamikanın əsas səbəbi anomal istilər və uzun sürən quraqlıqlar olub ki, bunun nəticəsində Asiya-Sakit okean regionunda iki əsas elektrik enerjisi istehsalçısı – Çin və Hindistan yerli anbarlarda su ehtiyatlarının azalması ilə üzləşiblər. Problem bu ölkələrin Asiyada bütün elektrik enerjisi istehsalının təxminən 75 faizini təşkil etməsi ilə daha da çətinləşir.
Bundan əlavə, qeyd olunur ki, bu dövlətlərin hidroenergetika kəsirlərini doldurmaq üçün bərpa olunan enerji mənbələrindən istifadə etmək ehtimalı azdır. Nəticədə enerji qıtlığı ilə mübarizə aparmaq üçün Asiya-Sakit okean ölkələri qalıq yanacaqla işləyən istilik elektrik stansiyalarında hasilatı 4,5 faiz artırmalı olub.
Havar Şəfiyeva
Son şərhlər