Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN xidmət”) nailiyyətləri Fransada ən böyük biznes federasiyası olan Fransa Sahibkarlar Təşkilatının (MEDEF International) baş qərargahında keçirilən seminarda təqdim olunub.

Tədbir Avropa Azərbaycan Cəmiyyətinin (AAC) Fransa ofisi tərəfindən MEDEF International təşkilatı ilə birgə təşkil edilib və “ASAN xidmət”in iyun ayında BMT İctimai Xidmət Mükafatı ilə təltif olunmasından sonra keçirilib. Təhlükəsizlik sistemləri, texnologiya, infrastruktur və ictimai nəqliyyat sahəsində işləyən bir çox Fransa şirkətlərinin nümayəndələri tədbirdə iştirak ediblər.

MEDEF International, Fransa–Azərbaycan Biznes Şurasının prezidenti Mari-Anj Döbon deyib: “Fransada ictimai xidmətlərin təqdim olunması regiondan asılıdır. Fransanın fiziki olaraq ərazisi böyükdür və əhalinin müəyyən hissələri uzaq ərazilərdə yerləşdiklərinə görə imkanları məhduddur. “ASAN xidmət” kimi bir konsepsiynın Fransa kontekstində tədbiqi çox səmərəli olacaq. “ASAN xidmət”in ictimai xitmətlərin göstərilməsinin hamıya səmərəli olması üçün mentalitetini dəyişmək potensialı var.”

Azərbaycanın Fransadaki səfiri Elçin Əmirbəyov bildirib: ki, bu tədbir məlumat mübadiləsi üçün vacib bir imkandır. Bir həftə əvvəl Parisdə baş vermiş faciəvi hadisələrə baxmayaraq, Fransa şirkətlərinin bir çox nümayəndələri burada iştirak edir. Azərbaycan Fransa üçün çox vacib tərəfdaş olaraq qalmaqdadır və MEDEF International təkilatının baş qərargahında bu tədbirin keçirlməsi bunun daha bir sübutudur.

“Azərbaycan çox tez modernləşmə prosesi keçir və burada dəyişmək üçün böyük siyasi iradə var. Neft və qazla birlikdə “ASAN xidmət”in Azərbaycanın ixrac etdiyi daha bir məhsul olmaq üçün potensialı var və sevindiricidir ki, bu, MEDEF International təşkilatının diqqət mərkəzindədir. “ASAN” Brüsseldə Avropa Parlamenti və Britaniya parlamenti daxil olmaqla artıq Avropada təqdim olunub. Ən yaxşı təcrübə ilə bağlı məlumat mübadiləsi üçün bu, çox gözəl imkandır və “ASAN” Avropada tərəfdaşlarla əməkdaşlıq etmək niyyətindədir”, – deyə səfir bildirib.

AAC-ın Fransa ofisinin direktoru Marie-Laetitia Gourdin deyib: “ASAN xidmət”in Azərbaycanda inkişaf etməsi böyük dəyişiklik təcrübəsi olub. Sovet İttifaqının süqutundan sonra ictimai xidmətlərin təqdim olunma sisteminə tamamilə yenidən baxmaq zəruri idi. “ASAN xidmət”in əsas prinsipləri şəffaflıq və innovasiyadır və onun xaricdə tətbiqi üçün nəhəng potensialı var”.

Vətəndaşlara Xidmət və Sosial İnnovasiyalar üzrə Dövlət Agentliyinin beynəlxalq əlaqələr departamentinin rəhbəri Azad Cəfərli bildirib ki, bu gün “ASAN xidmət” təcrübəsini Fransa ilə bölüşmək üçün çox vacib fürsət yaranıb. Biz artıq bu sistemi digər keçmiş sovet ölkələrinə, Afrika və Cənubi Amerika ölkələrinə ixrac etmək prosesindəyik. Hazırda Azərbaycanda doqquz “ASAN xidmət” mərkəzi var. “ASAN xidmət” Azərbaycanda ictimai xidmətin göstərilməsi üzrə milli mexanizmdir. Bu, 10 nazirlikdən 350 xidmət növü üzrə xidmətlərin göstərilməsi üçün vahid məkandır və başqa ölkələrdə olan sistemlərdən tamamilə fərqlənir.

Ümumiyyətlə korrupsiyaya gətirə biləcək hər hansı neqativ şəraitin istisna edən səmərəli xidmət prosesi olduğuna görə burada korrupsiya tamamilə qeyri-mümkündür. “ASAN xidmət” mərkəzləri adlanan vahid məkanlar vasitəsilə ictimai və özəl xidmətlərin göstərilməsi üzrə məkanı təşkil etməklə “ASAN xidmət” İctimai-Özəl Tərəfdaşlıq Konsepsiyasını uğurla təbliğ edir. İşçilərin orta yaş həddi 25 yaşdır. Onların hamısının İT sahəsində bilikləri var. Hər mərkəz hər gün təqribən 2500 əməliyyat həyata keçirir və həftədə yeddi gün olmaqla səhər saat 10-dan axşam saat 8-ə qədər açıqdır. Görüşlər əvvəlcədən tətin edilə bilər, növbələr azaldılıb, və bir çox məsələlər yalnız bir dəfə mərkəzə gəlməklə həll oluna bilər. “ASAN”ın beş əsas prinsipi bunlardır:

• Əlçatımlılıq – Azərbaycanda hər kəz ASAN Xidmətin təqdim etdiyi xidmətlərdən istifadə etmək üçün bərabər hüququ var;

• Hesabatlılıq – hər bir əməkdaş öz məsuliyyətini anlamalıdır – belə ki, istər “exit poll” terminalları istərsə də sosial mediadan istifadə etməklə müştəri rəyləri sistemi tətbiq olunub – “ASAN xidmət”in rəy səhifəsini hazırda 341 000 nəfər ‘bəyənib və peşəkarlığın maddi cəhətdən stimullaşdırılmasından əlavə fəaliyyət mütəmadi olaraq qiymətləndirilir;

• Operativlik – ən son texnologiyalardan istifadə göstərdiyimiz xidmətlərin operativ olmasını təmin edir. Məsələn, pasportun yenilənməsi yalnız bir günə həyata keçirilir. Hazırda, pasportun bir saat ərzində yenilənməsi üçün vasitələri araşdırırıq.

• Şəffaflıq – məlumatlar müxtəlif rabitə kanalları vasitəsi ilə açıq və şəffaf şəkildə təqdim olunur, belə ki, insanların keçməli olduqları proses və ödəniləcək dövlət rüsumları barədə aydın anlayışları olur.

• İnnovasiya – ASAN hər zaman vətəndaşlarla ünsiyyətdədir, onların rəylərini yüksək dəyərlənidir və onların ideyalarını tədbiq etməyə çalışır. İnsanlar onlara zəif xidmət göstərildiyi hallarda hara şikayət edəcəklərini və ya hər ASAN Xidmət mərkəzində yerləşən ideyalar üzrə elektron bank vasitəsi ilə inkişaf üçün necə tövsiyyə verə biləcəklərini bilirlər.

Şöbə müdiri bildirib ki, “ASAN xidmət” mərkəzləri artıq dövlət xidmətlərini göstərən bir yerdə yerləşən müəssisə deyildir və banklar, sığorta və tibbi xidmətlər daxil olmaqla xidmətlərin ümumi mərkəzinə çevrilmişdir. Biz, həmçinin mobil “ASAN xidmət” təşkil etmişik, bu, yüksək texnologiyalarla təchiz edilmiş avrtobuslardan ibarətdir və bu avtobuslar vasitəsi ilə xidmətlər ölkənin əyalət ərazilərini də çatdırılır. Bu növ xidmət artıq 350 000 insana göstərilib. Biz, həmçinin sizə də gələ bilərik – xidmətlər sizin evinizdə də göstərilə bilər. Bunun üçün əlavə rüsum ödənilir, lakin, bunun hesabına, fiziki imkanları məhdud olan şəxslərə eyni xidmətlərin göstərilməsi maliyyələşir. Azərbayacan əhalisi 9.6 milyon təşkil edir və yalnız iki il yarım ərzində biz təqribən 6 milyon adama xidmət göstərmişik və hər mərkəz gün ərzində təqribən 2500–3000 insana xidmət göstərir. Keçirdiyimiz sorğular xidmətlərimizdən 98 faiz məmnunluq göstərir. ASAN Xidmət ISO 9001:2008 sertifikatı əldə etmişdir, bu isə sistemin keyfiyyətinə təminat verir və onun Britaniya Təhlükəsizlik Mükafatı da var. Azərbaycan Avropa Şurasının Nazirlər Şurasına rəhbərlik edəndə, “ASAN xidmət” təqdim edilib və İnsan Hüquqları və Yaxşı İdarəetmənin əsas aspektini təcəssüm etdirən bir qurum kimi tərif edilib.

Maraqla keçirilən sual-cavab sessiyası biometrik pasportlar və şəxsiyyət vəsiqələri və “ASAN xidmət” mərkəzlərinin verdiyi sənədlər arasında əlaqə, “ASAN xidmət” mərkəzlərində özəl biznes şirkətlərinin iştirakı imkanları, və məlumat təhlükəsizliyi kimi aspektləri əhatə edib və şirkətlər arasında görüşlərlə davam edib.