Argentinanın Korrientes əyalətində baş verən yanğınlar 785 238 hektar meşə və bataqlıq ərazisini məhv edib.
Elchi.az-ın TASS-a istinadən verdiyi xəbərə görə, bu barədə “Clarín” qəzeti yerli hakimiyyət orqanlarının peyk şəkilləri əsasında hazırladığı hesabata istinadən məlumat yayıb.
Yanğınlar yanvarın ortalarından başlayıb və tez bir zamanda bataqlıqların və meşələrin geniş sahələrini əhatə edib. Nəşrin məlumatına görə, yanğınların təsirinə məruz qalan ərazi əyalətin ümumi ərazisinin təxminən 9%-ni təşkil edir.
“Biz heç vaxt belə bir şey görməmişidik. Hazırda Korrientesdə ağlasığmaz 30 min hektar meşə indi yanır”, – bölgənin qubernatoru Qustavo Valdez “Mitre” radiostansiyasının efirində deyib.
Yanğınlarla bağlı vəziyyəti uzun sürən quraqlıq bir qədər də ağırlaşdırır.
Əyalət rəhbərliyi yağışın ümidinə qalıb ki, proqnozlara görə, artıq bazar günü yağıntı ola bilər.
Xatırladaq ki, Korrientesdə dünyanın ikinci ən böyük bataqlıq ərazisi olan Esteros del İbera Təbiət Qoruğu yerləşir.
Son şərhlər