Rusiyanın ABŞ- dakı səfiri Anatoli Antonov deyib ki, Amerika silahlarının Ukraynaya tədarükünün davam etdirilməsi əxlaqdan və sağlam düşüncədən kənardır.
Elchi.az xəbər verir ki, bu barədə RİA Novosti məlumat yayıb.
Onun sözlərinə görə, ABŞ-ın hərəkətləri “partlamamış hərbi sursatlarla zibillənmiş şəhərlərin və tarlaların xarabalıqlarına, şikəst həyatlara çevriləcək”.
Antonov həmçinin Vaşinqtonu Ukrayna tərəfinin “terror planlarına” sponsorluq etməkdə ittiham edib və o, xüsusilə Krım körpüsünə hücumları bununla əlaqələndirib. Onun sözlərinə görə, Rusiyanı “döyüş meydanında məğlub etmək cəhdləri yalnız bir şeyə – rusofobların şərəfsiz məğlubiyyətinə səbəb olacaq”.
İyulun əvvəlində ABŞ kasetli sursatları Ukraynaya təhvil verəcəyini açıqlamışdı. Prezident Co Baydenin administrasiyası izah etdi ki, bu cür mərmilərdən istifadə mülki şəxslər üçün risk daşıyır, ona görə də ABŞ onların ötürülməsi qərarını təxirə salıb.
Daha sonra Rusiyanın Vaşinqtondakı səfirliyi ABŞ-ın Ukraynanın kassetli sursatlardan məsuliyyətlə istifadə edəcəyinə dair vədlərinin dəyərsiz olduğunu bildirib.
Nuranə Məmmədova
Son şərhlər