Yunanıstana səfər edən ABŞ dövlət katibi Antoni Blinken, Afinanın sadiq müttəfiqi olaraq F-35 döyüş təyyarələri ilə bağlı razılaşdırılanları alacağını bildirib.
Elchi.az xəbər verir ki, ABŞ dövlət katibi Antoni Blinken Krit adasında Yunanıstanın baş naziri Kiriakos Mitsotakis və xarici işlər naziri Giorgos Yerapetritis ilə görüşüb.
Blinken Türkiyə, Yunanıstan, İordaniya, Qətər və Birləşmiş Ərəb Əmirliklərini əhatə edən regional turu çərçivəsində Krit adasında olub.
Yunanıstan və ABŞ-ın Ukrayna, Yaxın Şərq və Qəzza kimi mövzularda sıx əməkdaşlıq etdiyinə diqqət çəkən Blinken Afina ilə müzakirə edəcək çoxlu mövzuların olduğunu bildirib.
Görüşdə Yunanıstan-ABŞ əlaqələri, iki ölkə arasında müdafiə sahəsində əməkdaşlıq, Yaxın Şərq, Qəzza və Ukrayna kimi məsələlər müzakirə edilib. Mitsotakis Qəzzada humanitar vəziyyətlə bağlı narahatlığını ifadə edib və böhranın bölgəyə yayıla biləcəyini bildirib. Bölgədə yeganə çıxış yolunun Birləşmiş Millətlər Təşkilatının qərarına uyğun olaraq iki dövlətli həll əsasında olması lazım olduğunu bildirən Mitsotakis, Qəzzaya davamlı humanitar yardım göndərilməsinin vacibliyini də vurğulayıb.
Nuranə Məmmədova