Elchi.az TASS-a istinadən xəbər verir ki, Kiyevdə səfərdə olan Almaniyanın vitse-kansleri, iqtisadi məsələlər və iqlimin mühafizəsi naziri Robert Habek ölkə hökumətinin Ukraynaya silah tədarükü ilə bağlı qərarını gecikmiş adlandırıb.
Habekin sözlərinə görə, 2021-ci ildə o, Ukraynada münaqişənin gərginləşməsinin mümkünlüyündən danışanda Berlin Kiyevə istədiyi hərbi yardımı verə bilməyib və ya etmək istəməyib. Lakin o, mövqeyinin o vaxtdan dəyişdiyini vurğulayaraq bunun bu qədər uzun sürməsindən təəssüfləndiyini bildirib.
Qeyd edək ki, bundan əvvəl hərbi diplomat, Hərbi Elmlər Akademiyasının müxbir üzvü, hərbi elmlər namizədi Aleksandr Bartoş Rusiya prezidenti Vladimir Putinin Çin sədri Si Cinpinlə görüşündən sonra Moskva və Pekinin Ukraynadakı vəziyyətlə bağlı ümumi baxışı formalaşdırdığına diqqət çəkib. Qərb ölkələrinin buna heç bir şəkildə təsir edə bilməyəcəyinə əminliyini ifadə etdi.
Havar Şəfiyeva
Son şərhlər