Almaniya kansleri Fridrix Merz Qəzza üçün atəşkəs razılaşmasının imzalanmasının vaxtının çatdığını deyib.
Elchi.az xəbər verir ki, Baş nazir Merz Federal Məclisdəki çıxışında Qəzzada olanlara, xüsusilə qadınlara, uşaqlara və qocalara humanist davranmağa çağırdıqlarını vurğulayıb.
İranın nüvə proqramı ilə bağlı müzakirələrdə daha böyük mənzərəni gözdən qaçırmadıqlarını bildirən Fridrix Merz , “İsrailin Qəzza zolağında hansı məqsədə çatmaq istədiyini tənqidi şəkildə soruşmağa özümüzü haqqımız kimi görürük”,- deyib.
Baş nazir Merz Almaniya hökumətinin İranla bağlı mövqeyinin açıq olduğunu vurğulayaraq, “İsrailin öz varlığını və vətəndaşlarının təhlükəsizliyini müdafiə etmək haqqı var. Molla rejiminin illərdir məqsədi İsrail Dövlətini aradan qaldırmaq olub. Bizim dövlət qayğımız İsrail Dövlətinin varlığını müdafiə etməkdir”, – deyib.
“İranın nüvə silahı olmamalıdır”
İranın nüvə silahına malik olmaması lazım olduğunu vurğulayan Fridrix Merz İran hökumətinin uranı 60 faizdən yuxarı zənginləşdirməyə davam edəcəyini açıqladığını xatırladıb.
Merz iddia edib ki, bu bəyanat, sentrifuqların dərin basdırılması, Beynəlxalq Atom Enerjisi Agentliyinin nümayəndələrinə girişin məhdudlaşdırılması və ictimaiyyətin davamlı aldadılması İranın nüvə silahı proqramı ilə bağlı nə qədər ciddi olduğunu göstərir.
Təkcə İsrailin deyil, Avropanın və bütün dünyanın İranın nüvə proqramından təhdid altında olduğunu iddia edən Merz, ” Ümid edirik ki, İsrail və ABŞ-ın son günlərdəki hərəkətləri İranı dağıdıcı hədəfə yaxınlaşmaqdan həmişəlik çəkindirəcək” ,- deyə vurğulayıb.
Bu münaqişənin bütün bölgəni müharibəyə sürükləməməsi lazım olduğuna diqqət çəkən Merz Almaniyanın bunun qarşısını almaq üçün diplomatik səylər göstərdiyini qeyd edib.
Almaniya yenidən səhnəyə çıxdı
“Almaniya Avropa və beynəlxalq səhnəyə qayıtdı” deyən Merz beynəlxalq tərəfdaşların Almaniyaya etibar edə biləcəyini əlavə edib.
Kansler Merz həmçinin dünyada baş verən böhran və münaqişələrə işarə edərək bildirib ki, Almaniya və Avropada sülhün qorunması üçün “bunlarla üzləşmək və yeni reallıqlardan düzgün nəticələr çıxarmaq lazımdır”.
Almaniya kansleri ölkəsinin böyüklüyünü, performansını və coğrafi mövqeyini nəzərə alaraq, silahlı qüvvələri Avropanın ən güclü şərti ordusuna çevirəcəklərini bildirib.
“Biz bütün Avropa tərəfdaşları ilə razıyıq”
AB Komissiyası və ABŞ hökumətinin gömrük mübahisəsinin həlli üçün danışıqlar apardığına diqqət çəkən kansler Merz, “Hökumətimiz bu mövzuda bütün avropalı tərəfdaşları ilə tam razıdır. Gömrük rüsumları heç kimə fayda vermir. Hər kəsə zərər verir. Bu səbəbdən ABŞ ilə ticarət mübahisəsinin daha da böyüməməsi hər kəsin xeyrinədir” – deyib.
İyulun əvvəlinə qədər ABŞ ilə həll yolu tapılacağına ümid etdiyini ifadə edən Merz , “Ancaq bu mümkün olmasa, bir sıra variantlarla buna hazırıq. AB öz maraqlarını müdafiə edə bilər və edəcək” – deyib.
Nuranə Məmmədova
