Elchi.az xəbər verir ki, İsrail Müdafiə Nazirliyi Almaniya Müdafiə Nazirliyinin və Bundestaqın Büdcə və Müdafiə Komitələrinin İsrail-ABŞ birgə istehsalı olan “Arrow 3” hava və raketdən müdafiə sisteminin alınması üçün lazımi addımların atılması öhdəliyinin təsdiqini alqışlayıb.
Qeyd olunub ki, İsrail rəsmiləri alqı-satqı müqaviləsini yekunlaşdırmaq üçün alman həmkarları ilə danışıqları davam etdirirlər.
İsrail Müdafiə Nazirliyinin rəsmiləri ilə davamlı əlaqədə olan ABŞ rəhbərliyindən sonra Almaniyanın lazımi satış icazəsini almaq üçün öhdəlik məktubu imzalayacağı bildirilib.
Bildirilir ki, İsrail Müdafiə Nazirliyinin ABŞ Raketdən Müdafiə Agentliyi və İsrail Aerokosmik Sənayesi ilə əməkdaşlıqda hazırladığı və ballistik raketləri ələ keçirmək üçün nəzərdə tutulan “Arrow 3” “dünyada bu tipli ən qabaqcıl sistemlərdən biridir”.
İsrail və Almaniya rəsmiləri hava hücumundan müdafiə sistemlərinin satın alınması üçün 2022-ci ilin sentyabrında və 2023-cü ilin aprelində görüşüblər.
Şayəstə Hüseynova
Son şərhlər