Kanada Arktikasında tapılan 24 milyon illik fosilləşmiş kərgədan dişindən qədim zülallar çıxarılıb. Bu kəşf Yer kürəsində qədim həyatın izlərinin tapılmasında əsaslı addım hesab olunur.
Elchi.az xəbər verir ki, Danimarkanın Kopenhagen Universitetinin Globe İnstitutundan Dr. Ryan Sinclair Patersonun rəhbərlik etdiyi tədqiqat diş minasında sıxışdırılmış və qorunmuş zülal ardıcıllığını araşdırıb.
Bu zülallar hələ müəyyən edilmiş ən qədim təfərrüatlı zülal ardıcıllığıdır və məlum olan ən qədim DNT-dən 10 dəfə daha qədimdir.
“Diş minası seyf kimidir”
“Emaye o qədər sərtdir ki, zamanla zülalları qoruyur. Ona görə də biz bu seyfi açdıq”, – Paterson deyib. Araşdırmanın nəticələri iyulun 9-da “Nature” jurnalında dərc edilib.Elm aləmində “paleoproteomika” kimi tanınan bu sahə DNT-dən çox daha davamlı olan zülalları araşdıraraq təkamül tarixini, qidalanma vərdişlərini, hətta bəzən cinsiyyəti də anlamağa imkan verir.
Şayəstə Hüseynova
