Müğənni Afaq Aslan Yeni ilin gəlişi ilə əlaqədar fərqli üslubda fotosessiya etdirib. Bununla bağlı ATVxəbər.az-a 
açıqlama verən müğənni bildirib ki, fotossesiyanın ideyası fotoqraf Reşana aiddir:
“Düşündük ki, Yeni ilin gəlişini daha fərqli formada təqdim edək. Qar Qız obrazını canlandırdım. Əminəm ki, bizdə heç kimin bu cür rəngli və cazibədar fotossesiyası olmayıb. Bu şəkillərlə insanlara çatdırmaq istəmişik ki, önəmli olan çöldəki hava deyil, insanın daxilindəki havadır. Daxilən nə qədər təravətli, rəngarəng olsan, səni sevənlərə də bu gözəllikdən pay düşəcək. Bu fotolardan bəzilərini əvvəl sizə təqdim etmişdim. Çox böyük maraqla qarşılandı, hətta bəzi modellər zəng edib, təbrik etdilər, yaxşı mənada qısqandıqlarını söylədilər. Nə isə… Mən də öz Yeni il təbrikimi bu cür çatdırdım. Xalqımın hər bir nümayəndəsini çox istəyirəm. Allah bizi qorusun.” Qeyd edək ki, Afaq Aslan mərhum akademikimiz Aslan Aslanovun nəvəsidir.(yenılık.az)
Son şərhlər