Avropa İttifaqının hazırladığı Rusiya Federasiyasına qarşı yeni sanksiyalar paketi Rusiya alüminiumuna qarşı məhdudlaşdırıcı tədbirləri əhatə etməyəcək.
Elchi.az xəbər verir ki, bu barədə Financial Times mənbələrə istinadən yazır.
Mənbələrin bildirdiyinə görə, Aİ siyahıya minimum sayda maddələr daxil etmək niyyətindədir və siyahıya daxil olanlara dair tələblər yumşaldılacaq.
Buna səbəb paketin fevralın 24-dək qəbul edilməsinin nəzərdə tutulmasıdır. Brüssel bütün ölkələrdən yeni paketin dəstəyini almaq və minimal məsləhətləşmələrlə kifayətlənmək istəyir.
Agentliyin həmsöhbətləri izah ediblər ki, yeni paketdə bir sıra fiziki və hüquqi şəxslərə qarşı şəxsi məhdudiyyətlər olacaq.
Xatırladaq ki, dekabrda Avropa İttifaqının liderləri Rusiyaya qarşı 12-ci sanksiyalar paketini təsdiqləyiblər. Buraya almazların Rusiyadan birbaşa və ya dolayı yolla idxalına, alınmasına və ya köçürülməsinə qadağa daxildir.
Nuranə Məmmədova
Son şərhlər