Aİ-dən Mərkəzi Aralıq dənizində qeyri-qanuni miqrasiyaya qarşı fəaliyyət planı

39

Elchi.az xəbər verir ki, Avropa İttifaqı (Aİ) Mərkəzi Aralıq dənizi marşrutundan Avropa ölkələrinə qeyri-qanuni miqrasiyanın qarşısını almaq üçün yeni fəaliyyət planı hazırlayıb.
Aİ-nin yeni planı üç əsas xəttdən ibarətdir. Bunlardan birincisi tərəfdaş ölkələr və beynəlxalq təşkilatlarla görüləcək işlərin artırılmasıdır. Bu baxımdan, Aİ sərhəd idarəçiliyini gücləndirmək üçün Misir, Tunis və Liviya ilə daha çox əməkdaşlıq etməyi planlaşdırır. Həmçinin Liviya ilə AB-nin sərhəd mühafizə agentliyi olan Frontex arasında razılığın əldə olunması da hədəflənir.
İkinci məsələ axtarış və xilasetmə üçün Aİ ölkələri arasında daha koordinasiyalı yanaşmadır. Nəhayət, yüzlərlə mühaciri daşıyan gəminin uzun müddət dənizdə qalması, İtaliya ilə Fransa arasındakı gərginliyin təkrarlanmaması və can itkisinin qarşısının alınması üçün üzv ölkələr və beynəlxalq təşkilatlar arasında daha güclü əməkdaşlıq tələb olunur.
Üçüncüsü, Aİ ölkələri “Könüllü Həmrəylik Mexanizmi”ni gücləndirirlər. Avropa Komissiyası mexanizmin tətbiqini sürətləndirməyi təklif edir. Belə ki, miqrantların dənizdən gəldiyi Aİ ölkələrinə daha sürətli dəstək verilməsi, alternativ həmrəylik tədbirlərinin maliyyələşdirilməsi kimi mövzularda daha sürətli hərəkətə keçməsi hədəflənir.

Şayəstə