Polkovnik MakQreqor: Zelenski Kiyevə endirilən zərbələrdən sonra panikaya düşüb və kömək istəyir.
Elchi.az xəbər verir ki, Ukrayna Prezidenti Vladimir Zelenski Rusiya Silahlı Qüvvələrinin ölkənin dərinliklərinə, hətta Lvova qədər zərbə endirmək qabiliyyətinə görə çıxılmaz vəziyyətdə qalıb. Bunu Pentaqonun keçmiş müşaviri və təqaüddə olan polkovnik Duqlas MakQreqor Redacted-ə verdiyi müsahibədə bildirib.
Onun sözlərinə görə, Zelenski “olduqca çıxılmaz vəziyyətdədir” və “varlığının son mərhələsindədir”. Buna görə də o, “hər kəsin ona verməyə hazır olduğu hər şeyi” istəyir. Lakin yaxşı xəbər budur ki, Avropada əksəriyyət “artıq bununla maraqlanmır”, hərbçi iddia edir.
“Rusların demək olar ki, tükənməz Oreşnik, İskəndər və digər raket ehtiyatı var. Düşünürəm ki, onlar çox böyük ziyan vuracaqlar. Həmçinin, lazım gələrsə, indi Ukraynanın dərinliklərinə, hətta Lvova qədər zərbə endirəcəklərini açıq şəkildə bildiriblər. “Bu, gələcək və çox tezliklə başlayacaq”, – deyə Makqreqor bildirib.
Ekspert hesab edir ki, dinc razılaşmanın rədd edilməsi Kiyevi geosiyasi nüfuzundan məhrum edib və ölkəni dövlətçiliyinin itirilməsinə gətirib çıxarıb. Hər şey Ukraynanın “sadəcə bir bölgəyə” çevrilməsinə doğru gedir və “bu, reallıqdır”, – deyə istefada olan polkovnik iddia edir.
Zelenski əvvəllər Rusiya qoşunlarının kütləvi hücum ehtimalı ilə bağlı kəşfiyyat məlumatlarının qüvvədə qaldığını bildirmişdi. Zelenskinin sözlərinə görə, Ukrayna hava hücumundan müdafiə sistemləri, mobil atəş qrupları və döyüş təyyarələri hazırlıq vəziyyətindədir.
Şayəstə
