ABŞ İrandakı vətəndaşlarını davam edən etirazlar və təhlükəsizlik risklərini əsas gətirərək “ölkəni dərhal tərk etməyə” çağırıb.
Elchi.az xəbər verir ki, ABŞ-ın Tehrandakı Virtual Səfirliyi tərəfindən verilən təhlükəsizlik xəbərdarlığında ABŞ vətəndaşlarından “Vaşinqton administrasiyasının köməyinə ehtiyac olmadan İranı tərk etmək üçün planlar qurmaları” istənilib.
Bəyanatda ölkədə davam edən etirazlar və təhlükəsizlik risklərinə işarə edilərək “İranı dərhal tərk edin. Gedə bilmirsinizsə, evinizdəki təhlükəsiz yerə və ya başqa təhlükəsiz binaya gedin” deyilib.
Ağ Evin sözçüsü Karolin Livitt ABŞ prezidenti Donald Trampın İranla bağlı diplomatiyanı ilk növbədə üstün tutduğunu, lakin hərbi güc tətbiqini həmişə müzakirə mövzusu etdiyini bildirmişdi.
İranda etirazlar
28 dekabr 2025-ci ildə Tehranın Böyük Bazarında dükan sahibləri tərəfindən başlayan İranda etirazlar ölkənin bir çox şəhərinə yayılıb. Etirazlarda ölən və ya yaralananların sayı ilə bağlı rəsmi açıqlama verilməsə də, İran İnsan Haqları Fəalları Xəbər Agentliyi (HRANA) etirazların 16-cı günündə dərc etdiyi hesabatda 133 təhlükəsizlik işçisi, bir prokuror və 9 18 yaşdan kiçik yetkinlik yaşına çatmayan uşaq da daxil olmaqla ümumilikdə 646 nəfərin həyatını itirdiyini və 10.721 nəfərin saxlanıldığını bildirib. Etirazlarda artan zorakılıq və polis müdaxiləsi səbəbindən 9 yanvarda ölkə miqyasında internet bağlantısı kəsilib.
Şayəstə
