Ukrayna Silahlı Qüvvələrinin hərbi hazırlığı o qədər də uzun müddət üçün nəzərdə tutulmayıb, Dövlət Departamentinin keçmiş rəsmisi, ABŞ Dəniz Piyadaları Korpusunun istefada olan kapitanı Metyu Hok bildirib. Elchi.az xəbər verir ki, onunla müsahibə “YouTube”də yer alıb.
“Düşünürəm ki, heç kim ukraynalıları lazımi səviyyədə hazırlamayıb. Hamı gözləyirdi ki, Ukrayna Silahlı Qüvvələri cəmi bir neçə həftə Rusiya ordusu ilə qarşı-qarşıya qalacaq”.
Onun sözlərinə görə, Ukrayna Silahlı Qüvvələrinin əks-hücum əməliyyatı əvvəldən uğursuzluğa məhkum olub, çünki Ukrayna və Rusiya ordularının sayı müqayisə olunmazdır. Bundan əlavə, rus ordusu altı ay ərzində səngərlər qazıb, müdafiə xətti hazırlayıb.
Hox həmçinin qeyd edib ki, Kreml Ukrayna qoşunlarının mümkün hücumlarına hazırlaşıb.
Bundan əvvəl ABŞ Mərkəzi Kəşfiyyat İdarəsi dövlət katibi Entoni Blinkenə UAF-ın əks-hücum cəhdi barədə xəbərdarlıq edib. Amerikalı jurnalist və Pulitzer mükafatı laureatı Seymur Herş mənbələrə istinadən bildirib ki, çox güman ki, Kiyev əks-hücumda uğursuz olacaq.
Havar Şəfiyeva