ABŞ prezidenti Co Bayden Tayvanla ticarət müqaviləsini imzalayıb və onu qüvvəyə mindirib.
Elchi.az xəbər verir ki, Ağ Evdən verilən məlumata görə, Bayden “21-ci əsr ticarəti üçün ABŞ-Tayvan Təşəbbüsü” danışıqları çərçivəsində ilk icra sazişi qanununu imzalayıb.
Bayden verdiyi yazılı açıqlamada, qanunun Tayvanla bəzi əlavə ticarət razılaşmalarının müzakirəsi üçün tələbləri də ehtiva etdiyini və bunun konstitusiya narahatlıqlarını artırdığını söyləyib.
Müqavilənin iki ölkənin ticarət tərəfdaşlığını dərinləşdirəcəyi bildirilib.
ABŞ və Tayvan arasında “21-ci Əsrin Ticarəti üçün ABŞ-Tayvan Təşəbbüsü” danışıqları çərçivəsində gömrük idarəçiliyi və ticarətin asanlaşdırılması, yaxşı tənzimləmə təcrübəsi, korrupsiya ilə mübarizə, kiçik və orta sahibkarlıq kimi məsələlər üzrə razılaşmalar əldə edilib.
Qeyd olunub ki, saziş hər iki bazarda investisiya və iqtisadi imkanları asanlaşdıra biləcək daha şəffaf, sadələşdirilmiş tənzimləmə prosedurları yarada bilər, ABŞ biznesləri isə Tayvan və Tayvanlı müştərilərə daha çox məhsul təqdim edir.
Bildirilib ki, saziş işçilər və müəssisələr üçün innovasiyaları və inklüziv iqtisadi artımı təşviq etmək məqsədilə ABŞ və Tayvan arasında ticarət tərəfdaşlığını dərinləşdirəcək və ticarəti yaxşılaşdıracaq.
Nuranə Məmmədova
Son şərhlər