ABŞ-ın NATO-nun Avropadakı əməliyyatlarına ayrılan qırıcı və hərbi gəmilərin sayını əhəmiyyətli dərəcədə azaltmağı planlaşdırdığı bildirilir. “New York Times” qəzetinin iki yüksək vəzifəli Avropa rəsmisinə istinadən verdiyi məlumata görə, bu qərar NATO-nun uzunmənzilli zərbə və müşahidə imkanlarını məhdudlaşdıracaq.
Elchi.az xəbər verir ki, plana Avropadakı F-16 və F-15E qırıcı təyyarələrinin sayının təxminən 150-dən 100-ə endirilməsi daxildir.
Dəniz patrul təyyarələrinin sayı 26-dan 15-ə endiriləcək və əvvəllər Avropaya yerləşdirilən səkkiz tanker təyyarəsinin hamısı geri çəkiləcək.
Hesabatda həmçinin bildirilir ki, planın məqsədi raket buraxma qabiliyyətinə malik sualtı qayıq və təyyarədaşıyan gəmini, eləcə də onun missiyalarında iştirak edən çoxsaylı hərbi gəmiləri və qırıcıları yenidən yerləşdirməkdir.
Həmçinin qeyd edilib ki, Avropanı müdafiə etmək üçün təyin olunmuş iki bombardmançı qrupdan biri başqa bir bölgəyə köçürülə bilər.
Şayəstə
