ABŞ Konqresinin alt komitəsində dünən Türkiyə və Qətərlə bağlı müzakirələr keçirilib.
Avropa.info xəbər verir ki, “Həmas dəstəkçiləri” adlanan toplantıda ABŞ Konqresinin üzvləri Türkiyə və Qətəri “terroru dəstəkləyən” dövlətlər adlandırıblar.
Çirkin ittiham və iftiraların səsləndiyi toplantıda , Türkiyə və Qətərə qarşı sanksiyaların tətbiq edilməsi təklifləri səsləndirilib.
Türkiyə və Qətərin Yaxın Şərqdə yaşanan proseslərdə tutduğu mövqeni dəyərləndirən Demokrat və Respublikaçıların Konqres nümayəndələri , hər iki ölkəni “dostluğu , düşmənliyi bilinməyən” ölkələr adlandırıblar.
Gəzi parkı olayları zamanı bəzi Qərb mətbuatında səsləndirilən “Ərdoğan rejimi” ifadəsi , toplantıda rəsmən Konqres nümayəndələri tərəfindən də səsləndirilib. Bəzi Konqres üzvləri isə Ərdoğanın İŞİD-i dəstəklədiyini bildiriblər.
Konqres nümayəndələri Həmas lideri Xalid Meşalın Qətərdə sığınacaq almasından, Türkiyənin isə Həmasa yardım etməsindən , Qəzzadakı Həmas hökumətinə maddi dəstək olmasından narahatçılıqlarını da ifadə ediblər. Eyni zamanda Türkiyə hökumətinin Misirdəki “Müsəlman Qardaşları” ilə idealoji bağlılıqlarının olması da iddia edilib.
Konqresin Respublikaçılar Partiyasından olan üzvü Ted Poe: “Mesajımızı açıq verməliyik, Həmasa iqtisadi dəstəyiniz olarsa, bunun ciddi sonucları ola bilər. Ümid edirik ki, Türkiyə və Qətər bu söylədiklərimizi eşidirlər.”
Konqres üzvü Ron De Santis isə Türkiyə və Qətərin İŞİD-ə dəstək verdiyini bəyan edib: ” Biz Türkiyəni və Qətəri İŞİD-ə dəstək verməkdə şübhəli bilirik. Suriyaya gələn cihadçılar haradan geçir? Əlbəttə ki, Türkiyədən gəlirlər.”
Misirdəki hərbi çevriliş zamanı Qərbi və Qərbin yanında olan Sissini dəstəkləmək əvəzinə qanuni prezident Mursini dəstəkləyən Türkiyənin bu addımı da, konqresmenlər tərəfindən təpki ilə qarşılanıb.
Konqres üzvü Ron De Santis belə deyib: ” Açıq şəkildə özünü “Müsəlman Qardaşları” ilə eyni səfdə tutan bir lider ölkə var, Türkiyə. Sözdə NATO üzvü”.
Son şərhlər