“The Wall Street Journal” qəzeti ABŞ-ın Rafael istehsalı olan “SPICE” bombalarının İsrailə göndəriləcəyini yazıb. Sözügedən planın ümumi dəyərinin 320 milyon dollar olduğu iddia edilib.
Elchi.az xəbər verir ki, Wall Street Journal (WSJ) qəzeti ABŞ-ın İsrailə 320 milyon dollar dəyərində dəqiq idarə olunan sursat göndərməyi planlaşdırdığını iddia edib.
WSJ-nin xəbərinə görə, əldə etdiyi rəsmi yazışmaların görüntülərinə əsaslanaraq, ABŞ administrasiyası oktyabrın 31-də ABŞ Konqresinə bəyannamə təqdim edərək, İsrailə “SPICE” bombaları, havadan yerə dəqiq idarə olunan sursatların göndərilməsini nəzərdə tutur.
Yazışmalara görə, razılaşma çərçivəsində ABŞ-ın silah istehsalçısı Rafael USA sözügedən sursatları İsrailli ana şirkəti Rafael Advanced Defence Systems-ə təhvil verəcək. Sözügedən plana ümumi dəyəri 320 milyon dollar olan silahların istifadəsi, yığılması, sınaqdan keçirilməsi və digər texnologiyaların təmin edilməsi də daxildir. Rafael ABŞ tərəfindən istehsal olunan SPICE “ağıllı, kəskin effektiv və qənaətcil” deməkdir.
Şayəstə Hüseynova
Son şərhlər