Moskvanın Tehranla yeni anlaşmasına görə, Rusiyaya qarşı yeni sanksiya tətbiq edilə bilər.
Elchi.az-ın “nyusru”-ya istinadən məlumatına görə, bu haqda ABŞ Dövlət Departamentinin təmsilçisi Cen Psaki açıqlama verib.
“Rusiya ilə İran arasında iqtisadiyatın çeşidli sahələri üzrə danışıqların getdiyindən xəbərimiz var. Biz əməklaşlığın perspekitivinə aid olan bu danışıqların inkişafını izləyirik. Biz danışıqların detallarından xəbərsizik. Əgər İrana tətbiq edilən sanksiya ilə bağlı şübhəli nəsə hiss etsək, o zaman hərəkətə keçəcəyik”-deyə, o, vurğulayıb.
Psaki onu da bildirib ki, ABŞ “abstrakt” fəaliiyət göstərməyəcək.
Xatırladaq ki, İrana qarşı bir sıra sanksiyalar qoyulub. Avropa Birliyi və ABŞ Tehranın neft satmasını məhdudlaşdıran yasaq tətbiq edib.
Məlumata əsasən, Moskva ilə Tehran arasında İrandan Rusiyaya gündəlik 500 min barrel neft tədarükü qarşılığında Kreml İslama Respublikasına neft avadanlığı və başqa məhsullar verməsinə dair danışıqlar aparılır.
Bu ilin avqustunda isə tərəflər arasında qarşılıqlı anlaşma haqda 5 illik memorandum imzalanıb. Həmin sənəd tikinti, neft-qaz kompleksinin yenidən qurulması və başqa sahələri əhatə edir.
Noyabrın 30-da isə Rusiya iqtisadi inkişaf naziri Aleksey Ulyukov Tehranda səfərdə olub. Həmin səfərin nəticəsi kimi yaxın günlərdə “neft qarşılığında mal” proqramı gerşəkləşə bilər.
Son şərhlər