Donald Tramp administrasiyası Amerika vətəndaşlığına müraciət üçün rüsumların 80%-ə qədər artırılmasını və aşağı gəlirli şəxslər üçün rüsum endirimlərinin və istisnaların aradan qaldırılmasını nəzərdə tutan yeni bir plan hazırlayıb. Federal Reyestrdə dərc olunan təklif, rədd edilmiş müraciətlərin yenidən baxılması üçün ödənilən rüsumların artırılmasını da əhatə edir.
Elchi.az xəbər verir ki, mövcud sistemə əsasən, şəxsən vətəndaşlıq müraciətləri üçün rüsum 760 dollar, onlayn müraciətlər üçün isə 710 dollardır.
Yeni təkliflə bu məbləğlərin şəxsən müraciətlər üçün 75% artırılaraq 1330 dollara, onlayn müraciətlər üçün isə 80% artırılaraq 1280 dollara çatdırılması hədəflənir.
Bundan əlavə, rədd edilmiş müraciət üçün təkrar tələb etmək üçün rüsumun şəxsən müraciətlər üçün 830 dollardan 1475 dollara, onlayn müraciətlər üçün isə 780 dollardan 1475 dollara artırılması planlaşdırılır.
Şayəstə
