ABŞ-ın Corciya ştatında sürətlə yayılan meşə yanğını 54 ev və 27.000 akr torpaq sahəsini külə çevirib. Alovların söndürülməsi üçün səylər davam edir.
Elchi.az xəbər verir ki, ABŞ-ın Corciya ştatının müxtəlif yerlərində meşə yanğınları baş verib. İndiyə qədər ştat üzrə 27.000 akr torpaq sahəsi külə çevrilib.
Ştatın cənub-şərqindəki Brantley dairəsindəki 82 nömrəli magistral yolda başlayan yanğın sürətlə yayılıb. İndiyə qədər təxminən 5.000 akr ərazi külə çevrilib. 54 ev yararsız hala düşüb, təxminən 1000 ev isə yanğın təhlükəsi ilə üzləşir.
Brantley dairəsindən təxminən 105 kilometr aralıda yerləşən Klinç dairəsində Pineland Road yanğını təxminən 16.500 akr ərazini külə çevirib.
100 yanğınsöndürən alovlarla mübarizə aparmağa davam edərkən, yaxınlıqdakı Klinç dairəsi və Eçols dairəsindəki bəzi sakinlər yanğın təhlükəsi səbəbindən təxliyə edilib. Corciya qubernatoru Brayan Kemp ştatın bütün 91 dairəsində fövqəladə vəziyyət elan etdi. Alovların söndürülməsi üçün səylər davam edir.
Şayəstə
