Kanadada günlərlə davam edən meşə yanğınlarının tüstüsü ABŞ-ın şimal-şərq ştatlarını təsir altına alıb. ABŞ-da atmosferdəki od dumanları səbəbindən Günəş qırmızıya çevrilib
Elchi.az xəbər verir ki, ABŞ hökumətinə bağlı olan AirNow veb-saytı Nyu-York şəhəri və ətrafında hava keyfiyyətinin səviyyəsinin narıncıdan qırmızıya dəyişdiyini bildirib.
AirNow-un reytinqinə əsasən, 0-50 hava keyfiyyəti yaşıl, 50-100 sarı, 100-150 narıncı, 150 və yuxarı olanlar qırmızı və bənövşəyi rənglə işarələnir, bu da sağlamlıq üçün təhlükəlidir. Bütün gün dumanlı havaya səbəb olan Nyu-York və Nyu Cersi bölgələrində yanğın tüstüsü qoxusu hiss edilərkən, səlahiyyətlilər xüsusilə ürək, ağciyər və tənəffüs yolu xəstəlikləri olan insanlara çölə çıxmamaq barədə xəbərdarlıq edib. Nyu York Dövlət Ətraf Mühitin Mühafizəsi Departamenti həmçinin Nyu-York, Bronks, Bruklin, Kuins və ətraf ərazilərdə havanın keyfiyyəti ilə bağlı sağlamlıq xəbərdarlığı edib və vətəndaşlardan lazımi tədbirləri görmələrini xahiş edib.
Səlahiyyətlilər bu həftə şimal-şərq ştatlarında, eləcə də orta qərbdə yerləşən Minnesota, Miçiqan və Viskonsin ştatlarında milyonlarla insanı havanın keyfiyyəti ilə bağlı sağlamlıq risklərinə qarşı diqqətli olmağa çağırıb. Qeyd olunub ki, hazırda Kanadada 413 meşə yanğını aktivdir və nəticədə 26 mindən çox insan təhlükəsiz ərazilərə təxliyə edilib. Meşə yanğınlarının atmosferə əhəmiyyətli dərəcədə çirkləndiricilər buraxdığı və yanğınlardan çıxan tüstünün ağciyərlərə daxil olan və astma və bronxit kimi sağlamlıq problemlərinə səbəb olan PM2.5 adlı incə hissəciklər ehtiva etdiyi paylaşılıb.
Nuranə Məmmədova