Nyu-Hempşir Baş Prokurorluğu, ABŞ prezidenti Co Baydenin ştatın praymerizlərində səs verməməyə çağırdığı iddia edilən saxta səsi ehtiva edən robot zəngi araşdırır. Elchi.az xəbər verir ki, bu barədə “Fox News” məlumat yayıb.
“Robocalldakı səs prezident Baydenin səsinə bənzəsə də, mesaj ilkin göstəricilərə əsasən süni şəkildə yaradılıb. Bu mesajlar Nyu-Hempşirdə ilkin prezident seçkilərini pozmaq və Nyu-Hempşir seçicilərini sıxışdırmaq üçün qanunsuz cəhddir”.
Qeyd edək ki, saxta Amerika prezidentinin səsi amerikalıları praymerizdə iştiraka getməməyə, noyabrda keçiriləcək prezident seçkilərində səslərini saxlamağa çağırıb.
Bundan əvvəl Missuri ştatının dövlət katibi Cey Eşkroft prezident Baydeni Demokratlar Partiyasının praymerizlərində iştirakdan kənarlaşdırmaqla hədələyib. Bu şəkildə o, Kolorado və Men ştatlarının Donald Trampın Respublikaçıların praymerizində iştirakı ilə bağlı oxşar qərarına cavab verib.
Havar Şəfiyeva
Son şərhlər