ABŞ Hind-Sakit Okean Komandanlığı (INDO-PACOM) Çin döyüş təyyarəsinin Cənubi Çin dənizi üzərində ABŞ Hərbi Hava Qüvvələrinə məxsus kəşfiyyat təyyarəsinə təcavüz etdiyini açıqlayıb.
Elchi.az bu barədə Türkiyə mediasına istinadən xəbər verir.
ABŞ-ın Hind-Sakit Okean Qüvvələr Komandanlığından verilən yazılı açıqlamada, ABŞ və Çin arasında Sakit okean bölgəsində baş verənlərin qarşısının alınması və təcavüz hadisələrinə yenisi əlavə edilib.
“Dekabrın 21-də Xalq Azadlıq Ordusunun Hərbi Dəniz Qüvvələrinin J-11 qırıcı pilotlarından biri Cənubi Çin dənizi üzərində beynəlxalq hava məkanında qanuni olaraq müntəzəm əməliyyatlar aparan ABŞ Hərbi Hava Qüvvələrinə məxsus RC-135 təyyarəsini ələ keçirərkən təhlükəli manevr edib”, – deyə məlumatda bildirilir.
Təhlükəli təcavüz anının görüntüsünün də paylaşıldığı açıqlamada çinli pilotun ABŞ-ın RC-135 kəşfiyyat təyyarəsi qarşısında təhlükəli manevr etdiyi bildirilib.
Açıqlamada ABŞ təyyarəsinin toqquşmamaq üçün riskli manevrlər etməli olduğu vurğulanıb və bu ifadələrə yer verilib:
“Biz Hind-Sakit okean regionundakı bütün ölkələrin beynəlxalq hava məkanından təhlükəsiz və beynəlxalq hüquqa uyğun istifadə etmələrini gözləyirik”.
ABŞ gəmiləri və təyyarələri Tayvan boğazı başda olmaqla Çinin qarşı çıxdığı bir çox bölgədə fəaliyyət göstərir.
Çin ordusu isə ABŞ gəmi və təyyarələrinin qarşısını almağa çalışır.
Yeganə