Avropa Birliyi (AB), digər süni intellekt provayderlərinin WhatsApp-a girişini məhdudlaşdıran Meta siyasəti ilə bağlı araşdırma başlatdı.
Elchi.az xəbər verir ki, AB Komissiyası, Meta-ya məxsus digər süni intellekt provayderlərinin WhatsApp-a girişini məhdudlaşdıran Meta-nın yeni siyasətinin AB rəqabət qaydalarını pozub-pozmadığını müəyyən etmək üçün rəsmi antiinhisar araşdırması başlatdığını açıqladı.
Bəyanatda bildirilir ki, Meta-nın yeni siyasəti süni intellekt provayderlərinə WhatsApp vasitəsilə müştərilərlə ünsiyyət qurmağa imkan verən bir vasitədən istifadə etməyi qadağan edir. Bəyanatda deyilir: “AB Komissiyası bu yeni siyasətin üçüncü tərəf süni intellekt provayderlərinin Avropa İqtisadi Bölgəsində WhatsApp vasitəsilə xidmət göstərməsinə mane ola biləcəyindən narahatdır”.
Bəyanatda qeyd olunur ki, yeni siyasət nəticəsində Meta-nın öz süni intellekt xidməti platformadakı istifadəçilər üçün əlçatan qalacaq, rəqib süni intellekt provayderlərinin isə WhatsApp vasitəsilə müştərilərinə çatmasının qarşısı alına bilər. Əlavə olaraq, bunun AB rəqabət qaydalarını pozub-pozmadığı qiymətləndiriləcək.
Avropada fəaliyyət göstərən böyük şirkətlər və rəqəmsal platformalar AB-nin sərt texnologiya qaydalarına riayət etməlidirlər.
AB qaydalarını pozan rəqəmsal platformalar ağır cərimələr tətbiq olunur.
Şayəstə
