“Avropa İttifaqı (Aİ) Rusiya ilə açıq diplomatik əlaqə kanalını saxlayır və Moskva lazım bildiyi halda bundan istifadə edə bilər”.
Elchi.az xəbər verir ki, bunu Avropa Şurasının sədri Antonio Kosta deyib.
“Kanal açıqdır və Rusiya bilir ki, atəşkəsə necə nail olmaq, mülki əhalini necə qorumaq, enerji obyektlərini necə qorumaq barədə səmimi müzakirələr aparmaq istəsə və nə vaxtsa bunu edə bilər”, – deyə siyasətçi bildirib.
Bu, Aİ və Rusiya arasında əvvəllər Kostanın baş qərargah rəisi Pedro Lurti tərəfindən yaradılmış qeyri-rəsmi diplomatik kanaldan gedir.
Aİ-nin Ukrayna üzrə xüsusi elçi təyin etmək planları ilə bağlı sualı cavablandıran Kosta vurğulayıb:
“Avropanın münaqişənin həlli ilə bağlı təmaslara hər hansı cəlb olunması danışıqların xarakterindən asılıdır. Elə danışıqlar var ki, biz xüsusi nümayəndədən istifadə edə bilərik və ya həm diplomatik, həm də siyasi kanallardan istifadə edə bilərik”, – deyə o, qeyd edib.
Bundan əvvəl Rusiya prezidenti Vladimir Putinin mətbuat katibi Dmitri Peskov bəyan etmişdi ki, ABŞ Ukraynadakı münaqişənin həlli üçün böyük işlər görür, Avropa isə yalnız böhranı gücləndirir. O əlavə edib ki, Rusiya bəzi Avropa ölkələrinin Moskvanın narahatlığını anlamağa çalışmasında müsbət tendensiya görür, lakin proses bundan kənara çıxmayıb.
Yeganə
