Qlobal fiziki qızılla təmin olunan birjada ticarət olunan fondlara (ETF) sentyabr ayında 10 mlrd. ABŞ dolları vəsait daxil olub.
Elchi.az xəbər verir ki, bu barədə Dünya Qızıl Şurasının (World Gold Council – WGC) oktyabrın 7-də dərc etdiyi hesabatda bildirilib.
Məlumata görə, sentyabr ayında qızıl ETF-lərinə vəsait axını bütün regionlarda qeydə alınıb. Ən böyük daxilolmalar Avropa və Şimali Amerikada listinqdən keçən fondların payına düşüb.
Beləliklə, III rübdə qlobal qızıl ETF-lərinə daxil olan vəsaitin ümumi həcmi rekord 31 mlrd. ABŞ dollarına çatıb.
Qızılın qiymətinin aşağı düşməsinə baxmayaraq, fondların fiziki qızıl ehtiyatları sentyabr ayında 67 ton artaraq rekord 4 256 tona çatıb.
Eyni zamanda, qızıl ETF-lərinin idarə etdiyi ümumi aktivlərin (AUM) dəyəri aylıq müqayisədə 7% azalaraq 574 mlrd. ABŞ dolları olub.
III rüb ərzində qlobal qızıl ETF-lərinin ümumi aktivlərinin dəyəri 9% artıb, fondların ümumi qızıl ehtiyatları isə 211 ton yüksəlib.
Ölkələr üzrə III rübdə ən böyük vəsait axını ABŞ-da listinqdən keçən fondlarda qeydə alınıb. Böyük Britaniyada listinqdən keçən fondlar isə rüb ərzində tarixlərinin ən yüksək göstəricisinə nail olub.
Hesabatda qeyd olunub ki, qızıl ETF-ləri və digər analoji məhsullar qızıl bazarının əhəmiyyətli hissəsini təşkil edir. Bu fondlarda institusional və fərdi investorlar müxtəlif investisiya strategiyalarını həyata keçirirlər.
