2026-cı il 17–22 may tarixlərində Bakıda keçirilən 13-cü Ümumdünya Şəhərsalma Forumu – WUF13 şəhərlərin qarşısında dayanan müasir çağırışların, yaşayış mühitinin inkişafının və dayanıqlı urban gələcəyin müzakirə olunduğu mühüm beynəlxalq tədbir kimi yadda qaldı.
Forumun əsas diqqət istiqamətlərindən birini təhlükəsiz və dayanıqlı şəhərlərin formalaşdırılması təşkil edib. Mənzil əlçatanlığı, sosial inklüzivlik, şəhər mühitinin keyfiyyəti, ekoloji davamlılıq və insanların dəyişən ehtiyaclarına uyğun şəhər məkanlarının yaradılması kimi məsələlər müxtəlif müzakirələrdə ön plana çıxıb.
“Qəbələ Regional Gənclərin Resurs Mərkəzi” İctimai Birliyinin sədri Qalib Nəbiyevin fikrincə, WUF13-ün Bakıda keçirilməsi şəhərsalma mövzusuna yalnız peşəkar və institusional müstəvidə deyil, cəmiyyətin daha geniş təbəqələri, o cümlədən gənclər baxımından yanaşmaq üçün əlverişli imkan yaradıb. Şəhərlərin gələcəyi ilə bağlı qərar və təşəbbüslərdə insanların ehtiyaclarının, xüsusilə gənclərin baxışlarının nəzərə alınması müasir urban inkişafın vacib istiqamətlərindən biridir.
WUF13 Azərbaycanın şəhərsalma sahəsində beynəlxalq təcrübə və yanaşmalarla tanışlığı baxımından da diqqət çəkən platforma olub. Müxtəlif ölkələrdən olan iştirakçıların bir araya gəlməsi şəhərlərin inkişafında fərqli modellərin, problemlərin və mümkün həll yollarının müqayisəli şəkildə müzakirəsinə şərait yaradıb.
Şəhərsalmanın nəticələri insanların gündəlik həyatında birbaşa hiss olunur. Buna görə də təhlükəsiz küçələr, əlçatan ictimai məkanlar, yaşayış imkanları, ekoloji tarazlıq və sosial xidmətlər kimi məsələlər şəhər inkişafının ayrılmaz hissəsi kimi nəzərdən keçirilməlidir. Bu yanaşma regionlarda yerləşən şəhər və yaşayış məntəqələri üçün də aktualdır.
WUF13-ün Bakıda keçirilməsi şəhərsalma məsələlərinin Azərbaycan cəmiyyətində daha geniş müzakirəsinə stimul verən mühüm hadisələrdən biri kimi qiymətləndirilə bilər. Forumun gündəliyində yer alan yanaşmaların gələcək dövrdə şəhərlərin daha təhlükəsiz, əlçatan və insan yönümlü inkişafı ilə bağlı yeni təşəbbüslərə yol açması mühüm əhəmiyyət daşıyır.
2026-cı ilin sentyabrında 12 aylıq inflyasiya 5.5% təşkil edib
İllik inflyasiya hədəf diapazonu (4±2%) daxilindədir və baza ssenarisi üzrə proqnoz trayektoriyasına uyğun hərəkət edir. Elchi.az xəbər verir ki, bu...
