Kiyevdə “təhlükəsizlik vəziyyətinin pisləşməsi ilə əlaqədar” açıq ərazilərdə və sığınacağı olmayan binalarda bütün əyləncə, həmçinin bədən tərbiyəsi və idman tədbirləri müvəqqəti olaraq qadağan edilib.
Elchi.az xəbər verir ki, bu barədə Kiyev merı Vitali Kliçko məlumat verib.
“Kiyevdə sentyabrın 10-dan etibarən komendant saatı qısaldılacaq: qayda gecə yarısından deyil, saat 01:00-dan 05:00-dək qüvvədə olacaq. İctimai nəqliyyatın hərəkət vaxtı da bir saat uzadılacaq (yəni metro təxminən saat 23:30-da bağlanacaq). İctimai iaşə obyektlərinin və Ticarət-Əyləncə Mərkəzlərinin (TƏM) iş qrafiki isə dəyişməz qalır”, — deyə Kliçko bildirib.
Bir gün əvvəl Kiyevdə hava təhlükələri barədə fərqli hava təhlükəsi xəbərdarlıq sistemi tətbiq olunub.
Qeyd edək ki, ötən gün yerli kanallar Rusiyanın “Olenya” aerodromuna strateji aviasiya topladığı barədə yazmışdılar. Məlumata görə, Uzaq Şərqdən “Olenya” bazasına daha 4 ədəd Tu-95MS təyyarəsi köçürülür. Təyyarələrin artıq qanadlı raketlərlə təchiz edildiyi iddia olunur.
Beləliklə, “Olenya” bazasında artıq 6 ədəd Tu-95MS döyüşə hazır vəziyyətdə ola bilər. Daha 4 ədəd Tu-160 representsiya təyyarəsi isə Uzaq Şərqdə qalır. Kanallar Rusiyanın ehtimal olunan kütləvi raket zərbəsinə hazırlığı başa çatdırdığını bildirirlər.
Məryəm
