İrandan atılan raketləri və dronları ələ keçirmək üçün Küveyt və Bəhreyndə hava hücumundan müdafiə sistemlərinin aktivləşdirildiyi bildirilib.
Elchi.az xəbər verir ki, ABŞ-ın gecə yarısından əvvəl İrana qarşı “yeni hücum dalğası” başlatdığını açıqlamasından sonra Küveyt və Bəhreyndən İran hücumları ilə bağlı açıqlamalar gəldi.
Küveyt ordusunun sosial media hesabında edilən açıqlamada İranın Küveyti raket və dronlarla hədəf aldığı bildirilib.
Bəyanatda qeyd olunur ki, hava hücumundan müdafiə sistemləri İrandan atılan raket və dronları ələ keçirmək üçün aktivləşdirilib.
Bəyanatda ölkədə eşidilə biləcək partlayış səslərinin hava hücumundan müdafiə sistemlərinin bu təhdidlərin qarşısını almaq üçün fəaliyyətləri ilə əlaqəli olduğu və ictimaiyyətdən hakimiyyət orqanlarının təhlükəsizlik təlimatlarına əməl etmələrinin xahiş edildiyi bildirilib.
Bəhreyn Müdafiə Qüvvələri həmçinin hava hücumundan müdafiə sistemlərinin İrandan bir sıra hava hücumlarını ələ keçirdiyini açıqlayıb.
İran bir həftədən çoxdur ki, Körfəz ölkələrinə raket və dron hücumları etməklə ABŞ hücumlarına cavab verir.
Şayəstə
