Konqo Demokratik Respublikasında Ebola yoluxma hallarının sayı 2000-i keçib, ölənlərin sayı isə 800-ə yaxınlaşır. Ümumdünya Səhiyyə Təşkilatı epidemiyanın görülən tədbirlərdən daha sürətli yayıldığı barədə xəbərdarlıq edib.
Elchi.az xəbər verir ki, Konqo Demokratik Respublikasında Ebola ilə bağlı narahatlıqlar davam edir. Ölkədə yoluxma hallarının sayı 2000-i, ölənlərin sayı isə 800-ü keçsə də, Ümumdünya Səhiyyə Təşkilatı virusun ölkədə yayılma sürətinə diqqət çəkib.
Epidemiyanın görülən tədbirlərdən daha sürətli yayıldığı barədə xəbərdarlıq edilib.
ÜST-ün baş direktoru Tedros Adhanom Qepreyesus deyib: “Hazırda tarixdə üçüncü ən böyük Ebola epidemiyası ilə üzləşirik. Son aylarda virus əvvəlki epidemiyada olduğundan daha sürətli yayılıb”.
Uqandada son xəstə evə buraxılıb
Epidemiyanın təsir etdiyi digər bir ölkə olan Uqandada ümidverici inkişaflar müşahidə olunur.
Ebola müalicəsi alan son xəstənin evə buraxıldığı açıqlanıb. Ölkədə 42 günlük müşahidə dövrü başlayıb.
Əgər bu müddət ərzində yeni yoluxma halları qeydə alınmazsa, Ümumdünya Səhiyyə Təşkilatı Uqandanı “Eboladan azad ölkə” elan edəcək.
Şayəstə
