“Rusiya ABŞ-ın İran ərazisinə endirdiyi zərbələri Vaşinqton və Tehran arasında bağlanmış memorandumun pozulması hesab edir”.
Elchi.az xəbər verir ki, bu sözləri Rusiyanın xarici işlər naziri Sergey Lavrov jurnalistlərə bildirib.
O qeyd edib ki, ABŞ-ın zərbələri həm İslam Respublikasında, həm də digər Fars körfəzi ölkələrində mülki infrastrukturun məhvinə səbəb olur.
“Biz ABŞ-ın İrana hücumlarını] memorandumun pozulması kimi görürük. … Ən əsası isə, bu, razılaşmaya gətirib çıxarmır, əksinə, yuxarıda qeyd olunan memorandumun açdığı qapını bağlayır”, – deyə Lavrov bildirib.
Xatırladaq ki, 18 iyun gecəsi ABŞ və İran iki ölkə arasında 28 fevralda başlayan münaqişəyə son qoymaq məqsədi daşıyan memorandum imzalayıblar. Lakin ABŞ tərəfi iyulun əvvəlində hücumları bərpa edib. ABŞ prezidenti Donald Trampın qeyd etdiyi kimi, Vaşinqton Tehranı boğaz üzərində nəzarətdən məhrum etmək üçün İranın Hörmüz boğazı ərazisindəki hərbi imkanlarını tamamilə aradan qaldırmaq niyyətindədir.
Yeganə
