Avropa İttifaqı (Aİ) blokun xarici işlər nazirlərinin görüşündən əvvəl Rusiyaya qarşı yeni — 21-ci — sanksiya paketi barədə razılığa gələ bilməyib.
Elchi.az xəbər verir ki, “Reuters” agentliyinin verdiyi məlumata görə, bu barədə Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaya Kallas məlumat verib.
Aİ-nin baş diplomatı bildirib: “250 iştirakçı Rusiya fiziki və hüquqi şəxsləri] barədə razılığa gəlməyə ümid edirik. Bu, indiyə qədər razılaşdığımız ən böyük rəqəmdir. 21-ci paketə gəldikdə isə, hələ də bəzi açıq suallar var”.
İyulun 10-da “Euractiv”xəbər portalı Avropa Komissiyasının (AK) Rusiya əleyhinə planlaşdırılan 21-ci sanksiya paketindən ən sərt müddəaları çıxardığını bildirmişdi.
Sənəd layihəsində Ukraynada döyüş əməliyyatlarında iştirak etmiş bütün hərbi qulluqçular üçün avtomatik viza qadağası tətbiq edən bənd yer alırdı. Lakin iqtisadiyyatı rus turistlərindən asılı olan Fransa, İtaliya və Yunanıstan bu tədbirə qarşı çıxdılar.
Yeganə
