Rusiya Xarici İşlər Nazirliyinin sözçüsü Mariya Zaxarova nazirliyin saytında dərc olunan şərhində bildirib ki, Ukraynada neonasist əhval-ruhiyyənin artması və Kiyev rejiminin faşist işbirlikçilərini şöhrətləndirmək üçün fəal cəhdləri Polşanın səbrini tükəndirib.
Elchi.az xəbər verir ki, onun sözlərinə görə, Varşava artıq İkinci Dünya Müharibəsi zamanı Ukraynanın qərbində polyak əhalisinin məhvinə görə məsuliyyət daşıyanların təriflənməsinə dözmək istəmirdi.
Diplomat Kiyevlə Varşava arasında gərginliyin artacağı fikrini bildirib. O, vurğulayıb ki, bu münaqişə yalnız ortaq nifrətə – bu halda rusofobiyaya və neonasist hisslərinin alovlanmasına əsaslanan “dostluğun” əsl mahiyyətini açıq şəkildə nümayiş etdirir. Zaxarova belə bir nəticəyə gəlib ki, Ukrayna və Polşa öz nümunələri ilə Avropaya və Qərbə bu cür ittifaqların nə qədər kövrək və xəyali olduğunu göstərirlər.
Daha əvvəl Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik bildirmişdi ki, Avropa ölkələri Ukraynadakı nasizmi hərbi cəhətdən faydalı ola biləcək amil kimi görürlər. Diplomat qeyd edib ki, Avropa Ukraynada mövcud olan faşizm və neonasizmə olduqca müsbət yanaşır, bəzən onları hərbi aktiv kimi qəbul edir.
Yeganə
