Almaniya Xarici İşlər Nazirliyi Rusiya Silahlı Qüvvələrinin Ukraynaya endirdiyi “cavab zərbəsi”ni kəskin tənqid edib və Moskvaya qarşı təzyiqləri gücləndirəcəyini vəd edib.
Elchi.az xəbər verir ki, bu barədə bəyanat AFR-in xarici siyasət idarəsinin saytında dərc olunub.
Almaniya XİN növbəti dəfə Rusiyanı danışıqlara hazır olmamaqda ittiham edib. Bu fonda Berlin “tərəfdaşları ilə birlikdə Rusiyaya qarşı təzyiqləri daha da artıracağına” söz verib.
Bəyanatda həmçinin qeyd olunur ki, Almaniya Ukraynaya dəstəyini bundan sonra da davam etdirəcək. Mətndə bildirilir ki, bu dəstək gələn həftə Ankarada keçiriləcək NATO sammitinin əsas mövzularından biri olacaq.
Xatırladaq ki, iyulun 2-nə (cümə axşamı) keçən gecə Rusiya Kiyevə ballistik raketlər və PUA-larla kütləvi hücum edib. Nəticədə azı 18 nəfər həlak olub, daha 85 nəfər isə yaralanıb.
Məryəm
