“İsrail iqtisadiyyatı təkbaşına dayanmaq üçün kifayət qədər güclü olduğundan Təl-Əviv bu il Vaşinqtondan gələn yardımdan imtina edə bilər”.
Elchi.az xəbər verir ki, İsrailin Baş naziri Binyamin Netanyahu bu açıqlamanı verib.
Netanyahu qeyd edib: “Mən Amerika yardımına son qoymaq istəyirəm. Bu, sosial yardım kimidir; mənə buna ehtiyac yoxdur”.
İsrail Baş naziri əlavə edib ki, Amerika yardımının tədricən dayandırılması prosesinin bu il başlamasını istəyir.
İyunun 27-də “Politico” qəzeti İsrailin ABŞ-la İrana qarşı son birgə hərbi əməliyyatlara baxmayaraq, getdikcə artan beynəlxalq təcridlə üzləşdiyini bildirib. ABŞ-ın vitse-prezidenti J.D. Vance vurğulayıb ki, İsrail ABŞ-ın xüsusi müttəfiqi statusunun artıq təmin edilmədiyini dərk etməlidir.
İyunun 19-da ABŞ prezidenti Donald Tramp Netanyahu ilə aralarındakı yaxşı münasibətlərə baxmayaraq, onun “ağlı başında” qalmasının vacibliyini bildirib.
Yeganə
