“ABŞ Cənubi Amerika ölkəsinin neftinə çıxış yolu ilə Venesueladakı hərbi əməliyyatlarını artıq 28 dəfə geri qaytarıb”.
Elchi.az xəbər verir ki, bu sözləri ABŞ prezidenti Donald Tramp deyib.
“Venesuela. Bir günlük əməliyyat. İndi biz Venesueladan yaxşı pul qazanırıq. Və Venesuela da yaxşı gedir. Bu müharibədə qalib gəlmək bizə düz 48 dəqiqə çəkdi. Və biz bu müharibənin xərclərini, inanın, inanmayın, 28 dəfə geri qaytardıq. Çünki biz milyonlarla barel neft ixrac etmişik. Biz – ABŞ və Venesuela çox yaxşı anlaşırıq”,-deyə Tramp bildirib.
Yanvarın 3-də ABŞ Venesuelada mülki və hərbi hədəflərə hücum edərək, prezident Nikolas Maduronu və həyat yoldaşı Cilia Floresi əsir götürərək deportasiya etdi. Yanvarın 5-də onlar Nyu-Yorkun Cənub Dairəsi üzrə federal məhkəməyə gəliblər. Onlar narkotik vasitələrin qanunsuz dövriyyəsində ittiham olunurlar. Maduro və həyat yoldaşı özlərini təqsirli bilməyiblər.
Maduro dövründə icraçı vitse-prezident vəzifəsində çalışmış prezidentin nümayəndəsi Delcy Rodriguez Venesuelanın dövlət başçısı vəzifəsini icra edir. Tramp Vaşinqtonun Amerika neft şirkətləri üçün Karakasdan təzminat alacağına əminliyini ifadə edib. Ağ Evin hazırkı rəhbəri söz vermişdi ki, bu şirkətlər Cənubi Amerika respublikasının neft infrastrukturunu bərpa etmək üçün vəsait ayıracaqlar.
Yeganə
