ABŞ Prezidenti Donald Trampın həyat yoldaşı Melaniya Trampın Çin səfərində onu müşayiət etməyəcəyi bildirilib.
Elchi.az xəbər verir ki, “South China Morning Post” (SCMP) qəzetinin məlumatına görə, Melaniya Trampın ofisindən verilən açıqlamada “Birinci xanım bu dəfə səfərdə iştirak etməyəcək” deyilib.
Melaniya Tramp əvvəllər 2017-ci ildə prezident vəzifəsinin ilk dövründə Pekinə səfərində onu müşayiət etmişdi.
Ağ Evdən verilən açıqlamaya görə, Trampın oğlu Erik Tramp və həyat yoldaşı Lara Tramp səfərdə prezidenti müşayiət edəcəklər.
Siyasi heyət və biznes nümayəndələri iştirak edəcək
Tramp Çinə siyasi heyət və Amerika şirkətlərinin nümayəndələrindən ibarət böyük bir nümayəndə heyəti ilə səfər edir.
Bu gün başlayan və 15 maya qədər davam edəcək səfərdə Dövlət katibi Marko Rubio, Müdafiə katibi Pit Heqset, Ticarət nümayəndəsi Ceymison Qrir və Ağ Evin aparat rəhbəri Stiven Miller iştirak edəcək. Maliyyə naziri Skott Bessent də bu gün nümayəndə heyətinə qoşulacaq və Cənubi Koreyanın Seul şəhərində Çinlə iqtisadi və ticarət danışıqlarının başa çatmasından sonra Pekinə səfər edəcək. Bundan əlavə, Trampı Çinə səfərə Tesla, Apple və Nvidia da daxil olmaqla 17 Amerika şirkətinin baş direktorları və nümayəndələrindən ibarət biznes nümayəndə heyəti müşayiət edir. Trampın bu gün Pekinə gələcəyi gözlənilir.
Şayəstə
