Bu il Nigeriyada heyvanlardan insanlara keçən Lassa qızdırması səbəbindən ölənlərin sayı 190-a çatıb.
Elchi.az xəbər verir ki, Nigeriya Xəstəliklərə Nəzarət Mərkəzinin (NCDC) verdiyi açıqlamada, Lassa qızdırmasının ölkənin müxtəlif ştatlarında yayılmağa davam etdiyi bildirilib.
Bəyanatda qeyd olunub ki, yanvar ayından bəri Lassa qızdırmasından ölənlərin sayı 190-a çatıb.
Bəyanatda bildirilib ki, Lassa epidemiyasından ölüm nisbəti artmaqda davam edir və ölüm nisbəti ötən ilin eyni dövründə qeydə alınan 19,1 faizlə müqayisədə 25,2 faizə yüksəlib.
Bəyanata görə, hesabat həftəsində yeni təsdiqlənmiş yoluxma hallarının sayı azalsa da, yoluxma hallarının gec bildirilməsi, səhiyyə xidmətlərinə çatımlılığın kifayət qədər olmaması və səhiyyə işçiləri arasında infeksiyalarla bağlı narahatlıqlar qalmaqdadır.
Keçən il 190 nəfər ölüb
2025-ci ildə ölkə üzrə Lassa virusundan 190 nəfər ölüb.
Nigeriya hökuməti 23 yanvar 2019-cu ildə Lassa qızdırması səbəbindən fövqəladə vəziyyət elan etdi. Mali, Toqo, Qana, Liberiya və Sierra Leone kimi bir çox Afrika ölkəsində rast gəlinən Lassa qızdırması ilk dəfə 1969-cu ildə Nigeriyada ölkənin şimal-şərqindəki Borno əyalətində aşkar edilmişdir.
Siçovul nəcisi ilə təmas yolu ilə ötürülən xəstəlik insandan insana yayıla bilər və ölümcül hemorragik qızdırmaya səbəb ola bilər. Hakimiyyət orqanları ictimaiyyəti siçovullar və digər gəmiricilərlə təmasdan çəkinməyə çağırır.
Şayəstə
