ABŞ Prezidenti Donald Tramp dünən iki ölkə arasında artan gərginliyə baxmayaraq, iranlılarla danışıqların davam etdiyini bildirərək dedi: “Bu, istənilən an baş verə bilər. Bəlkə də baş verməyəcək, amma istənilən an baş verə bilər.”
Elchi.az xəbər verir ki, Prezident Tramp Vaşinqton abidəsinin yaxınlığındakı fəvvarədə davam edən təmir işlərini yoxladıqdan sonra jurnalistlərə açıqlamasında İran məsələsini şərh etdi.
Tramp bildirib ki, ABŞ ordusunun iki İran obyektinə hava hücumlarına baxmayaraq, Tehran administrasiyası ilə danışıqlar davam edir.
İranla razılaşmanın yaxın olub-olmadığı soruşulduqda, Tramp “Bu, istənilən an baş verə bilər. Bəlkə də baş verməyəcək, amma istənilən an baş verə bilər. İnanıram ki, onlar bu razılaşmanı məndən daha çox istəyirlər” cavabını verərək, razılaşmaya yaxın olduqları mesajını verdi. Tramp Tehranı mümkün qədər tez razılaşmanı imzalamağa çağıraraq dedi: “Onlar razılaşmanı tez imzalasalar yaxşı olar. Bunu etməsələr, çox əziyyət çəkəcəklər.”
“Onlar bizə atəş açırdılar və biz də cavab atəşi açdıq.”
Tramp İranın Hörmüz boğazından keçən iki ABŞ esminesi hücum etdiyini, lakin bu hücumlarda esmineslərdən heç birinin zədələnmədiyini bildirərək, “Onlar bizə atəş açırdılar, biz də cavab atəşi açdıq” dedi.
Tramp İranla bağlı əsas gözləntilərinin “İranın nüvə silahına sahib olmaması” olduğunu və iranlıların bunu qəbul etdiyini, lakin hələ müqaviləni imzalamadığını iddia edərək dedi: “Biz onlara nüvə silahına sahib olmaq hüququ verməyəcəyik, bunun şansı sıfırdır və onlar bunu bilirlər və qəbul ediblər. Görək imzalamağa hazır olacaqlarmı?”
Tramp İranın zənginləşdirilmiş uranı onlara təhvil verəcəyini düşündüyünü bildirdi, lakin bu məsələ aydınlaşana qədər ehtiyatla hərəkət edəcəyini vurğuladı.
Tramp “Azadlıq” əməliyyatını niyə dayandırdığını açıqladı
Tramp həmçinin bazar ertəsi günü ticarət gəmilərinin Hörmüz boğazından keçməsinə icazə verməyi hədəfləyən “Azadlıq” əməliyyatını niyə başlatdığını və 36 saat sonra dayandırdığını izah etdi.
O qeyd etdi ki, Pakistan onlara “danışıqlar davam edərkən belə bir əməliyyatın faydalı olmayacağını” deyib və əlavə edib:
“Marşal (Asim Munir) və Baş nazir (Şabazz Şərif) bizdən bunu etməməyimizi istədilər. Lazım gələrsə, biz də bunu etməyə qayıdacağıq. Lakin onlar bizdən danışıqlar zamanı bunu etməməyimizi istədilər.”
Şayəstə
