Pakistan, ABŞ və İranın yaxın vaxtlarda münaqişəyə son qoyacaq bir saziş bağlaya biləcəyinə ümid edir.
Elchi.az xəbər verir ki, bu barədə brifinq zamanı Pakistan Xarici İşlər Nazirliyinin rəsmi nümayəndəsi Tahir Əndrabi bəyan edib.
İslam Respublikasının xarici siyasət idarəsinin mətbuat xidməti Əndrabinin sözlərini belə sitat gətirir:
“Biz optimizmimizi qoruyuruq. Sadə cavab budur ki, biz razılaşmanın mümkün qədər tez əldə olunmasını gözləyirik”, — deyə o, Vaşinqton və Tehran arasında sövdələşmənin nə vaxt bağlanacağı ilə bağlı sualı cavablandırarkən bildirib.
XİN nümayəndəsi vurğulayıb ki, Pakistan tərəflərin həm region, həm də bütün dünya miqyasında sülhə gətirib çıxaracaq “dayanıqlı bir həll” qəbul edə biləcəklərinə ümid edir.
Məryəm
