Almaniya Avropa İttifaqında (Aİ) islahatlar aparmaq istəyir.
Elchi.az xəbər verir ki, bu barədə politoloq Aleksandr Rahr bu istəyin səbəblərini açıqlayıb.
“Avropa İttifaqı çox hərəkətsiz təşkilatdır, çünki istənilən qərar yekdilliklə qəbul edilməlidir. Digər üzvlərin təklifi ilə razılaşmayan bir üzv dövlət bütün birləşmə siyasətini əngəlləyə bilər”, – Rahr izah edib.
Almaniya xüsusilə səs çoxluğu tələb etməklə, qərar qəbuletmə üsulunu dəyişdirmək istəyir. Ekspertin fikrincə, bu, Avropa İttifaqını “superdövlət” və ya “yumşaq imperiya” yaratmağa bir addım da yaxınlaşdırardı.
“Təşəbbüsü təkcə Almaniya deyil, Fransa da dəstəkləyir. Üstəlik, Almaniya onun şəriki Ursula fon der Leyen Avropa Komissiyasının rəhbərliyində olarkən islahatlara tələsir və əksər ölkələrdə “populist” sağçı qüvvələr hələ hakimiyyətə gəlməyib”, -deyə Rahr qeyd edib.
Daha əvvəl Almaniya və İsveçin veto hüququnun ləğvini dəstəkləyən bir qrup Aİ ölkəsinə rəhbərlik etdiyi bildirilirdi. Fransa və Belçika da bunu dəstəkləyir.
Bundan əvvəl Avropa İttifaqının Ukraynanın maliyyələşdirilməsi də daxil olmaqla, əsas məsələlərdə vahid qərarlar qəbul edə bilmədiyi ortaya çıxdı. Birliyin faktiki olaraq sistem iflici ilə üzləşdiyi, hər ay yeni məsələnin ortaya çıxması bu tendensiyanın önə çıxdığı qeyd edilib.
Yeganə
