İranın xarici işlər naziri Abbas Əraqçi Beynəlxalq Qızıl Xaç Komitəsinin (BQXK) prezidenti Miryana Spoljaric ilə görüşündə ABŞ və İsrailin İslam Respublikasına hücumlarını müzakirə edib.
Elchi.az xəbər verir ki, bu barədə A. Əraqçinin “Telegram” kanalında məlumat paylaşılıb.
“Söhbət zamanı ABŞ və İsrailin İrana hücumu barədə BQKX sədrinə məlumat verilib”, – məlumatda bildirilib.
Əraqçi hücumların təkcə hərbi obyektlərə endirilmədiyini deyib: “Xüsusilə məktəblər, universitetlər, təhsil, tədqiqat mərkəzləri, tarixi və mədəni obyektlərə, xəstəxanalara, həyati əhəmiyyətli və istehsal infrastrukturuna, habelə yaşayış məntəqələrinə hücumlar barədə M. Spoljarici məlumatlandırdım”.
BQXK prezidenti görüş zamanı son müharibədə İran vətəndaşlarının həlak olmasından, mülki obyektlərin, xüsusən də məktəblərin, xəstəxanaların və yaşayış məntəqələrinin hədəf alınmasından dərin təəssüf hissi keçirdiyini diqqətə çatdırıb.
