ABŞ-ın müdafiə naziri Pit Heqset jurnalistlər üçün keçirdiyi brifinqdə İranın “yaxşı və müdrik” bir sövdələşmə bağlamaq üçün “yaxşı şansı” olduğunu bəyan edib.
Elchi.az xəbər verir ki, bu barədə “Reuters” məlumat yayıb.
“İranın qarşısında mühüm seçim var. Sövdələşmə bağlamaq şansı — yaxşı sövdələşmə, müdrik sövdələşmə”, — deyə o bildirib.
Heqsetin sözlərinə görə, ABŞ-ın İran limanlarını blokadaya alması nəticəsində 34 gəmi geri dönərək əks istiqamətdə hərəkət edib.
“Tehran rejimi üçün blokada hər saat daha da sərtləşir. Biz vəziyyətə nəzarət edirik. Heç nədən heç nə çıxmaz. Bizim blokadamız genişlənir və qlobal xarakter alır”, — deyə Heqset qeyd edib.
O, həmçinin blokadanın lazım olduğu qədər davam edəcəyini vurğulayıb: “Bizim ehtiyatımızda bütöv bir əbədiyyət var və sövdələşmə bağlamağa tələsmirik”.
Heqset çıxışında Avropanı da kəskin tənqid edib:
“Amerika və azad dünya böyük işlər görməyə qadir olan, bizə sadiq qalan və müttəfiqliyin birtərəfli deyil, ikitərəfli yol olduğunu anlayan müttəfiqlərə layiqdir. Biz Avropaya ümid bağlamırıq, lakin Hörmüz boğazı onlara bizdən qat-qat çox lazımdır. Bəlkə də, onlara daha az danışıb Avropada təntənəli konfranslar keçirmək əvəzinə, bir qayığa minib gəlmək lazımdır. Bu, bizdən çox onların mübarizəsidir”.
Məryəm
